আৰক্ষীৰ পোচাক পিন্ধি ডকাইতি কাণ্ড! লুটিলে নগদ ধন, ৫ লক্ষাধিক টকাৰ সোণৰ আ-অলংকাৰ

নিউজ ডেক্স, ২৫ মে’
ডকাইতি কৰাৰ এক নতুন কৌশল ডকাইতৰ। হাতে হাতে মাৰানস্ত্ৰ, পিন্ধনত খাকী পোছাক, মুখত মাস্ক পিন্ধি ডকাইতি।
ধুবুৰীৰ গৌৰীপুৰত আৰক্ষীৰ পোচাক পিন্ধি ডকাইতি কাণ্ড। ধুবুৰী জিলাৰ গৌৰীপুৰ ঘেগেৰ আলগাত সংঘটিত হৈছে চাঞ্চল্যকৰ ডকাইতি। নিশা আৰক্ষী পোচাক পিন্ধি, হাতত বন্দুক লৈ ৭ জনীয়া এটি দুৰ্বৃত্তৰ দলে এজন লোকৰ ঘৰত প্ৰৱেশ কৰে। আৰক্ষীৰ পৰিচয় দি ঘৰ তালাচীৰ নামত ডকাইতে লুটিলে নগদ ধন, ৫ লক্ষাধিক টকাৰ সোণৰ আ-অলংকাৰ। ঘটনাক কেন্দ্ৰ কৰি ধুবুৰী আৰক্ষীত হাহাকাৰ লাগিছে।

মাজনিশা গৌৰীপুৰ ঘেগেৰ আলগা গাওঁৰ ৰফিক আলী নামৰ যুৱক জনৰ ঘৰত প্ৰৱেশ কৰি এটি ৭ জনীয়া ডকাইতিৰ দলটোৱে বিভিন্ন ভয় ভাবুকি দিয়ে। ৰফিক আলী পেচাত LIC ৰ DO । ৭ জনীয়া আৰক্ষীৰ পোচাক পিন্ধি ডকাইতৰ দলটোৱে পৰিচয় দিছিল গৌৰীপুৰ আৰক্ষী থানাৰ বুলি। কিছু সময় অন্তত তদন্তৰ পিছত নগনধন, ৫ লক্ষাধিক টকাৰ আ অলংকাৰ সমূহ জব্দ কৰে পিছে । ঘটনা সন্দৰ্ভত ধুবুৰী আৰক্ষীৰ তদন্ত অব্যাহত ৰাখিছে।